HEGO URIBEKO NESKA* GAZTEAK
Hego Uribeko neska* gazteak eskualde mailako taldea da, herri ezberdinetako neska* gazteak biltzen dituelarik. Horrez gain, aipatzekoa da kideetako batzuek herriko talde feminista lokaletan ere militatzen dugula.
-Usansoloko Talde Feminista eta Galdakaoko Momoak taldean adin ezberdinetako partaideak daude, eta hauetako neska gazteak eskualdeko taldean biltzen dira.
-Basauriko Kiskali gazte talde feminista da, bertan neska* gazteak daudelarik.
Hau horrela, gure dinamika hilean behin biltzea izan da. Alde batetik, gure arteko sareak sortu eta indartzeko. Bestetik, lanketa ezberdinak burutzeko. Azkenik, bakoitzaren herrian agendako data zehatzetan neska*gazte moduan nola jardun erabakitzeko, taldearen erreferentzialtasuna handitzeko helburuarekin.